Heim

Velkomin á heimasíðu Geitfjárræktarfélags Íslands. Félagið byrjaði að byggja upp þessa síðu í lok árs 2018 og enn er mikið starf framundan við að setja inn myndir, greinar, fundargerðir, hafraskrá svo aðeins fátt eitt er upptalið.

Geitfjárræktarélag Íslands, (GFFÍ), var stofnað 22. nóvember 1991 í Bændahöllinni. Þá taldi geitastofninn um 350 dýr. Íslenski geitastofninn er búfjárstofn sem telst í útrýmingarhættu eftir skilgreiningu FAO, en til að vera utan hættu þyrftu að vera að lágmarki 4200 kvendýr en helst 7800 til að stofninn sé stöðugur. Árið 2017 taldi stofninn rúmlega 1300 dýr, kven- og karldýr.

Tilgangur Geitfjárræktarfélags Íslands er að stuðla að verndun og viðhaldi íslenska geifjárstofnsins og vinna að ræktun hans og að leita leiða til að bæta nýtingu og auka verðmæti afurða.

Geitur eru nytjadýr og af þeim fæst: Mjólk, kjöt, innmatur, geitafiða, stökur, horn og klaufir. Geitamjólk inniheldur öðruvísi fitu og prótín heldur en kúamjólk og hentar oft mannverum betur heldur en kúamjólkin. Kjötið er magurt og bæði prótín- og járnríkt og er hið ágætasta til neyslu sem steik, pylsur og aðrar kjötvörur. Geitafiðan heitir á erlendum tungumálum kasmír og verður hið mýksta band. Mör geita nýtist vel til áburðar- og sápugerðar.

Til að ýta undir sérstöðu geitaafurða stóð GFFÍ fyrir samkeppni hjá nemum Listaháskóla Íslands vorið 2018 um merki sem félagar í GFFÍ sem framleiða geitaafurðir geta merkt vörur sínar með. Fyrstu verðlaun hlaut Sóley Tómasdóttir og kom merkið í notkun á geitaafurðir í lok árs 2018.

Um geitur og geitfjárrækt

Á heimasíðu Erfðanefndar landbúnaðarins er að finna efni um verndaráætlun íslensku geitarinnar svo og hlekki á útgefið efni um geitur.

Lára Hrund Bjargardóttir: Nýting geita á Íslandi fyrr og nú

Grein eftir Birnu Kristínu Baldursdóttur, Albínu Huld Pálsdóttur og Jón Hallstein Hallsson: Geitfé á Íslandi – uppruni, staða og framtíðarhorfur

GEITHAFRAR

Hafraskráin 2020 er komin. Hér er hún á PDF formi sem hægt er að hlaða niður og skoða.

Geithafrar og Hafrasæðingastöðin Þórulág, Hvanneyri

Um Geitfjárræktarfélagið

Stjórn GFFÍ árið 2021-22:

Formaður: Anna María Flygenring, Hlíð, Skeiða- og Gnúpverjahreppi. Netfang: annaflyg[hja]gmail.com

Gjaldkeri: Guðni Ársæll Indriðason, Laufbrekku, Kjalarnesi. Netfang: laufbrekka[hja]kjalarnes.is

Ritari: Þorsteinn E. Þorsteinsson,  Netfang: steisteimeister[hja]gmail.com

Meðstjórnandi: Birna Kristín Baldursdóttir, Eskiholti í Borgarbyggð. Netfang: birna[hja]eskiholt.is

Meðstjórnandi: Jóhanna B Þorvaldsdóttir, Háfelli í Borgarbyggð. Netfang: haafell[hja]haafell.is

Varamenn í stjórn:

Bettina Wunsh, Brautartungu, Háfshverfi í Þykkvabæ. Netfang: brautartunga[hja]hotmail.com

Sif Matthíasdóttir, Hrísakoti, Helgafellssveit. Netfang: sif[hja]hrisakot.is


Ársskýrslur

Ársskýrsla Geitfjárræktarfélagsins 2021-22

Fundargerðir

16. desember 2021 stjórnarfundur GFFÍ

28. ágúst 2021 stjórnarfundur GFFÍ

30. júní 2021 stjórnarfundur GFFÍ á ZOOM

Ársskýrslur

Ársskýrsla Geitfjárræktarfélags Íslands starfsárið 2021-22

Samþykktir Geitfjárræktarfélagsins

Stjórn GFFÍ árið 2020-21:

Formaður: Anna María Flygenring, Hlíð, Skeiða- og Gnúpverjahreppi. Netfang: annaflyg[hja]gmail.com

Gjaldkeri: Guðni Ársæll Indriðason, Laufbrekku, Kjalarnesi. Netfang: laufbrekka[hja]kjalarnes.is

Ritari: Þorsteinn E. Þorsteinsson,  Netfang: steistei[hja]simnet.is

Meðstjórnandi: Birna Kristín Baldursdóttir, Eskiholti í Borgarbyggð. Netfang: birna[hja]eskiholt.is

Meðstjórnandi: Guðný Ívarsdóttir, Flekkudal í Kjós. Netfang: gudny[hja]kjos.is

Varamenn í stjórn:

Bettina Wunsh, Brautartungu, Háfshverfi í Þykkvabæ. Netfang: brautartunga[hja]hotmail.com

Sif Matthíasdóttir, Hrísakoti, Helgafellssveit. Netfang: sif[hja]hrisakot.is

Stjórn GFFÍ árið 2019-20:

Formaður: Anna María Flygenring, Hlíð, Skeiða- og Gnúpverjahreppi.

Gjaldkeri: Guðni Ársæll Indriðason, Laufbrekku, Kjalarnesi.

Ritari: Anna María Lind Geirsdóttir, Rauðagerði 50, Reykjavík.

Meðstjórnandi: Birna Kristín Baldursdóttir, Eskiholti í Borgarbyggð.

Meðstjórnandi: Guðný Ívarsdóttir, Flekkudal í Kjós.

Varamenn í stjórn:

Bettina Wunsh, Brautartungu, Háfshverfi í Þykkvabæ

Guðmundur Freyr Kristbergsson, Háafelli Hvítársíðu

Blog og tilkynningar

Aðalfundur 2022

Framhalds aðalfundur Geitfjárræktarfélagins 2022 Fresta þurfti aðalfundi Geitfjárræktarfélags Íslands 3.mars s.l. en framhalds aðalfundur verður haldinn 22.03 kl.20 og verður eingöngu rafrænn. Tilkynna þarf þátttöku til formanns á netfangið annaflyg [hja] gmail.com í síðasta lagi .20. mars og verður sendur hlekkur á fundardegi. Bestu kveðjur stjórn GFFÍ .

Aðalfundur GFFÍ 2022 fyrri hluti

Aðalfundir Geitfjárræktarfélagsins og búgreinadeildar geitfjárræktar voru haldnir á Hótel Natura í Reykjavík 3. mars s.l. Með tilkomu búgreinadeildar geitfjárræktar verða breytingar í Geitfjárræktarfélaginu. Á fundi búgreinadeildarinnar var Anna María Flygenring samþykkt sem formaður og Helena Hólm og Jóhanna Bergmann Þorvaldsdóttir sem meðstjórnendur þriggja manna stjórnar deildarinnar. Aðalfundur Geitfjárræktarfélags Íslands var haldinn í kjölfari fundar búgreinadeildarinnar. …

Hafa samband og verða félagi í GFFÍ

Viltu gerast félagi?

Hvort sem þú átt geit eða ekki getur þú orðið félagi. Netfang Geitfjárræktarfélagsins er geit[hja]geit.is og þangað skal senda umsókn um aðild í félaginu. Félagar í Geitfjárræktarfélaginu eru einnig félagar í BÍ. Nánar um verðið BÍ á bondi.is

 

Afurðamerki Geitfjárræktarfélagsins

Gerum íslenskum geitaafurðum hátt undir höfði og gerum þær sýnilegar. Það er talsvert um innfluttar geitaafurðir t.d. osta. ef þú ert félagi í Geitfjárræktarfélaginu sem framleiðir geitaafurðir og vilt merkja afurðirnar með geitaafurðamerki félagsins skaltu sækja um. Reglur um notkun merkisins eru hér fyrir neðan.

Sendu póst á: geit[hja]geit.is

Reglur um notkun á merki fyrir geitaafurðir samþykktar af stjórn GFFÍ 6.júní 2018.

1. Merkið er eign Geitfjárræktarfélags Íslands GFFÍ.

2. Einungis félagsmenn í GFFÍ geta sótt um leyfi til að nota merkið á afurðir sínar. Merkið má nota við merkingu, kynningu og markaðssetningu.

3. Merkið er ætlað til notkunar á allar geitaafurðir, þær verða að innihalda að minnsta kosti 75 % geitaafurðir.

4. Óheimilt er að breyta merkinu á nokkurn hátt, nema að viðhöfðu samráði við stjórn GFFÍ.

5. Óheimilt er að þriðji aðili noti merkið til kynninga eða sölu, nema að viðhöfðu samráði og samþykki stjórnar GFFÍ. Merkið má nota við hlið merki framleiðandans og öðrum merkjum sem hann kann að notast við t.d. merki Beint frá býli eða vottunarmerki Túns.

6. Upphafsgjald skal greiða fyrir leyfi til notkunar, er það 8000 krónur árið 2018. Stjórn áskilur sér rétt til breytinga á leyfisgjaldi síðar.

7. Límrúllur með merki geitaafurða verður til sölu hjá stjórn GFFÍ og verður nánar auglýst hvernig þeirri sölu verður háttað. Skilyrði fyrir afhendingu er að leyfisgjald sé greitt og árgjald til GFFÍ sé greitt ár hvert.

8. Lögum og reglum um meðferð og sölu matvæla ber að framfylgja.

9. Stjórn GFFÍ áskilur sér rétt til að fylgjast með að skilyrðum um notkun merkis séu uppfyllt og að grípa til aðgerða sé þess þörf.