Allt um geitur
Þeir félagar sem vilja taka þátt í Degi geitarinnar 26. maí 2019 í Húsdýragarðinum í Laugardal, Reykjavík með sölu afurða á sameiginlegu langborði eða til að kynna geitastofninn fyrir almenningi, vinsamlega tilkynnið þátttöku til umsjónamanns dagsins Önnu Maríu Lindar ritara félagsins í netfangið annamariageirsd [hja] hotmail.com fyrir 17. maí.
Varðandi sölu matvöru þá er Húsdýragarðurinn með leyfi fyrir sölu matvara svo framalega sem þær eru framleiddar samkvæmt reglum þar að lútandi.
Fengist hefur styrkur úr Framleiðnisjóði og sérfræðingar hjá Matís leiðbeina bændum um þróun matvöru og markaðssetningu. Framleiðsluferlið og kröfur til matvælaframleiðslu verða leikur einn eftir námskeiðið. Ef meta á verkefnið til fjár myndi það slaga upp í hálfa milljón kr á mann.
Matís og Geitfjárræktarfélag Íslands auglýsa eftir þátttöku geitabænda,
félaga í GFFÍ, í vöruþróunarátaki sem miðar að því að framleiða nýjar
matvörur úr þeim hráefnum sem íslenska geitin leggur til. Áhersla verður
lögð á nýjungar sem verða framleiddar vítt og breitt um landið fyrir
neytendamarkað og / eða sölu beint frá býli. Vöruþróunarátakið er hluti
af verkefninu Þróun geitfjárafurða til framtíðar en það er styrkt af
Framleiðnisjóði landbúnaðarins 2019.
Markmiðið er að stuðla að framleiðslu afurða sem auka eftirspun eftir
geitaafurðum og verða þannig drifkraftur fyrir fjölgun í geitastofninum.
Erfðanefnd landbúnaðarins hefur ályktað að framtíð íslenska
geitastofnsins byggist fyrst og fremst á því að hann verði nýttur.
Geitabændur geta sótt um þátttöku með því að fylla út umsóknareyðublað
sem má finna hér. Útfyllt eyðublað skal senda á undirritaða starfsmenn
Matís fyrir 29. apríl 2019. Starfsmennirnir svara fyrirspurnum símleiðis
og í tölvupósti. Þann 24. apríl nk. kl 15:00 verður kynningarfundur um
vöruþróun fyrir geitabændur hjá Matís Vínlandsleið 12 í Reykjavík. Fyrst
verða starfsmenn Matís með almenna kynningu en síðan gefst einstökum
aðilum kostur á að hitta starfsmenn Matís einslega og ræða hugmyndir
sínar.
Starfsmenn Matís þurfa að velja úr innsendum tillögum og verða valdir
a.m.k. 5 aðilar. Aðstoð starfsmanna Matís mun síðan felast í ráðgjöf við
fyrstu skrefin, sérfræðiráðgjöf við vöruþróun, aðgang að fræðsluefni
(sem þyrfti annars að greiða fyrir), mælingar á öryggi vörunnar og
næringargildi, og loks ráðgjöf við merkingar og markaðssetningu. Gert er
ráð fyrir að vöruþróunin hefjist í maí og verði lokið í nóvember 2019.
Fyrir lok júní þurfa að vera komnar skýrar áætlanir eða fyrstu vörur.
Nánari upplýsingar veita Óli Þór Hilmarsson (olithor@matis.is, 858-5099)
og Ólafur Reykdal (olafurr@matis.is, 858-5098) hjá Matís.
Matís og Geitfjárræktarfélag Íslands auglýsa eftir þátttöku geitabænda, félaga í GFFÍ, í vöruþróunarátaki sem miðar að því að framleiða nýjar matvörur úr þeim hráefnum sem íslenska geitin leggur til. Áhersla verður lögð á nýjungar sem verða framleiddar vítt og breitt um landið fyrir neytendamarkað og / eða sölu beint frá býli. Vöruþróunarátakið er hluti af verkefninu Þróun geitfjárafurða til framtíðar en það er styrkt af Framleiðnisjóði landbúnaðarins 2019.
Markmiðið er að stuðla að framleiðslu afurða sem auka eftirspun eftir geitaafurðum og verða þannig drifkraftur fyrir fjölgun í geitastofninum. Erfðanefnd landbúnaðarins hefur ályktað að framtíð íslenska geitastofnsins byggist fyrst og fremst á því að hann verði nýttur.
Geitabændur geta sótt um þátttöku með því að fylla út umsóknareyðublað sem má finna hér. Útfyllt eyðublað skal senda á undirritaða starfsmenn Matís fyrir 29. apríl 2019. Starfsmennirnir svara fyrirspurnum símleiðis og í tölvupósti. Þann 24. apríl nk. kl 15:00 verður kynningarfundur um vöruþróun fyrir geitabændur hjá Matís Vínlandsleið 12 í Reykjavík. Fyrst verða starfsmenn Matís með almenna kynningu en síðan gefst einstökum aðilum kostur á að hitta starfsmenn Matís einslega og ræða hugmyndir sínar.
Starfsmenn Matís þurfa að velja úr innsendum tillögum og verða valdir a.m.k. 5 aðilar. Aðstoð starfsmanna Matís mun síðan felast í ráðgjöf við fyrstu skrefin, sérfræðiráðgjöf við vöruþróun, aðgang að fræðsluefni (sem þyrfti annars að greiða fyrir), mælingar á öryggi vörunnar og næringargildi, og loks ráðgjöf við merkingar og markaðssetningu. Gert er ráð fyrir að vöruþróunin hefjist í maí og verði lokið í nóvember 2019. Fyrir lok júní þurfa að vera komnar skýrar áætlanir eða fyrstu vörur. Nánari upplýsingar veita Óli Þór Hilmarsson (olithor@matis.is, 858-5099) og Ólafur Reykdal (olafurr@matis.is, 858-5098) hjá Matís.
Þessir einblöðungar frá Matís, Geitfjárræktarfélag Íslands, eru til fróðleiks fyrir geitabændur og fólk sem vill kaupa geitaafurðir eða fyrir fólk sem þekkir ekki geitaafurðir. Félagar í GFFÍ! Sendið áhugasömum eintök eða prentið út og dreifið til almennings eins og þið viljið!
Ritið sem er á ensku er 384 blaðsíður og hægt að lesa á netinu. Það fjallar um ýmis konar framleiðslu úr geitahráefni víðs vegar um heim og gæti virkað sem innblástur.
Vörurnar eru gróflega flokkaðar í fernt:
– hrávörur eins og mjólk, slátur, hár/ fiða
– lítið unnar vörur til neyslu eins og saltað kjöt, ís, jógúrt
– vörur sem hafa umbreyst við meðhöndlun svo sem ostur, leður, pylsur eða eldað kjöt
– mikið unnar vörur sem innihalda aðra framleiðslu svo sem lyf, hnífar, geitostakaka
Geitfjárræktarfélagið hefur verið í samstarfi við MATÍS um aukna verðmætasköpun geitfjárafurða. Hluti þess verkefnis er kjötmat og meðferð í sláturhúsum. MATÍS hefur sent okkur eyðublað sem hver og einn geitabóndi fyllir út eftir slátrun og sendir til Matís samkvæmt upplýsingum sem á plagginu eru.
Það er mikilvægt að við tökum öll þátt í þessu til að Matís Ohf fái allar upplýsingar sem til þarf til að bæta meðferð sláturdýra í sláturhúsum og kjötmatið. Atvinnugreinin er ný og allir þurfa að leggja hönd á plóg til að betur fari.
Aðalfundur verður haldinn n.k. laugardag 23. mars 2019.
Samkvæmt 2. gr. þá geta eftirfarandi orðið félagar:
Félagar geta orðið þeir einstaklingar og lögaðilar sem þess óska og eiga geitur svo og þeir sem sérstakan áhuga hafa á geitfjárrækt. Félagssvæðið er allt landið. Kjörgengi hafa allir 18 ára og eldri.
Við mælum með að sem flestir sem eiga geitur gangi í félagið, þeim mun öflugara verður það. Ný búgrein og nýjar vörur fyrir landsmenn.
Ef þú vilt ganga í félagið sendu tölvupóst: geit[hja]geit.is
Þessi tafla var tekin út í dag, 16. mars 2019, af heimasíðu Hagstofunnar. Tölurnar ná ekki lengra aftur en til ársin 1980. En fjöldi geita hefur verið mestur 1930 um 3000 dýr (Geitfjárrækt, 2011. Birna Kristín Baldursdóttir)
Við minnum á rafbókina Geitfjárrækt eftir Birnu K. baldursdóttur sem hægt er að lesa á netinu. Bókin er liður í rafbókaútgáfu Landbúnaðarháskólans á Hvanneyri.
Skyldulesning geitabænda.
Nú eru límmiðar fáanlegir hjá stjórn GFFÍ. Eins og fram hefur komið hefur verið unnið að því í sumar 2018 að búa til miða til notkunar fyrir framleiðendur geitaafurða. Þessir miðar eru nú tilbúnir til afgreiðslu hjá gjaldkera (laufbrekka@kjalarnes.is). Hver rúlla er 1000 stk. og kostar 3000 kr. Plús sendingarkostnaður. Skilyrði til að þeir fáist afhentir eru tilgreind hér fyrir neðan:
Reglur um notkun á merki fyrir geitaafurðir samþykktar af stjórn GFFÍ 6.júní 2018.
1. Merkið er eign Geitfjárræktarfélags Íslands GFFÍ.
2. Einungis félagsmenn í GFFÍ geta sótt um leyfi til að nota merkið á afurðir sínar. Merkið má nota við merkingu, kynningu og markaðssetningu.
3. Merkið er ætlað til notkunar á allar geitaafurðir, þær verða að innihalda að minnsta kosti 75 % geitaafurðir.
4. Óheimilt er að breyta merkinu á nokkurn hátt, nema að viðhöfðu samráði við stjórn GFFÍ.
5. Óheimilt er að þriðji aðili noti merkið til kynninga eða sölu, nema að viðhöfðu samráði og samþykki stjórnar GFFÍ. Merkið má nota við hlið merki framleiðandans og öðrum merkjum sem hann kann að notast við t.d. merki Beint frá býli eða vottunarmerki Túns.
6. Upphafsgjald skal greiða fyrir leyfi til notkunar, er það 8000 krónur árið 2018. Stjórn áskilur sér rétt til breytinga á leyfisgjaldi síðar.
7. Límrúllur með merki geitaafurða verður til sölu hjá stjórn GFFÍ og verður nánar auglýst hvernig þeirri sölu verður háttað. Skilyrði fyrir afhendingu er að leyfisgjald sé greitt og árgjald til GFFÍ sé greitt ár hvert.
8. Lögum og reglum um meðferð og sölu matvæla ber að framfylgja.
9. Stjórn GFFÍ áskilur sér rétt til að fylgjast með að skilyrðum um notkun merkisins séu uppfyllt og að grípa til aðgerða sé þess þörf.
Kveðja, stjórnin.